Tū rae ki te rae a Gunnar ki a Mundine mō ngā rauna 10

Tamati Tiananga
  • Ahitereiria

Kua eke atu a Anthony Mundine, uri nō te moemoeā ki tōna wikitōria whā tekau mā ono, whai muri  i tana turaki i te toa nō Tūhoe me Ngāti Porou, te toa Middleweight o Aotearoa a Gunnar Jackson e ngā māka whakaaro tahi a te hunga kaiwawao, i tā rāua whawhai inapō rā ki Piripane, Ahitereiria.

I whakaae atu a Jackson ki te whawhai nei, haunga rā te poto o te wā ki te whakarite i a ia anō. 

Me whakamihi te toa Māori nei e noho kāinga ana i Tauranga Moana, mōna i tū hitararī atu ki te ihu manea tuaono o te Ao.  

Ko te rere kōrero ki wāenga i te hapori mekemeke o Aotearoa, me whakanui a Jackson i whakapau kaha, i whakaheke tōhau. 

Hei te Pāengawhāwhā a Mundine ka puta ano ki te papa tutū puehu mekemeke me te manako nui nei ka tū hoariri atu ki a Floyd Mayweather a tōna wā.

Hei te ahiahi āpōpō hoki mai a Jackson ki Aotearoa nei.