Kaupapa: Boxing

He tū whakahē tā Mundine ki te ngaringari ā-motu o Ahitereiria

Tamati Tiananga
  • Ahitereiria

I whakamānawatia e Ahiteireiria tāna rā ā-motu i tēnei wiki, hēoi ehara ia i te whakanuitanga whakatutū-kore.

I taua rā anō puta ai te porotēhi a te kaimekemeke rongonui nei a Anthony Mundine.

I te hui pāpāho mō tāna whawhai e kainamu mai nei, i mea ake te uri o te iwi Bundjaberg, e kore ia e waiata i te ngaringari o te motu.

E ai ki tāna, he tohu te ngaringari ki te tāmitanga o tōna iwi, ā, me panoni ake me te haki o te motu. 

He tohe tēnei kua roa e whāia ana e te iwi Māori, ā, te āhua nei he tohe e whai tautoko ana i tēnei taha o te Moana Tāpokapoka o Tāwhaki.