Kua rite ngā Breakers mo ētahi whakataetae nui

  • Ahitereiria

He raru ki uta, he raru ki tai.

Koinei tā te tira Breakers hei whakatikatika ake i tō rātou noho mātāmuri i runga i te tēpu ANBL i roto i tō rātou haerenga ki Ahitereiria i te rangi nei.

Hei tā tētahi mahuri tōtara o te tira nei, tā Rueben Te Rangi, ka tāea e rātou.

“Kua whakapou kaha tā mātou tira i tēnei wiki, e whakapono ana au ka tāea e mātou te turaki i ngā hoariri."

E ai ki a Rueben, e ngana atu ana ia ki te ngaki i ngā matenga ā rātou i ngā kēmu kua pāhika, ā, hei whakamāui ake anō i tō rātou ekenga ki ngā whiringa whāiti e kainamu mai nei.

Nā, kua pā anō te taimaha ki runga i te tira nei i te wharanga o te waewae ā Alex Pledger i roto i ngā whakangūngū i tēnei wiki.

Hoinano rā, mārama kātoa ana a Rueben ki te mahi nui kei mua i tōna aroaro.

E whā ngā kēmu tākaaro ki tua o Te Tai o Rēhua, ā, te wawata tonu ia ka whai wikitoria i te katoa o ēnā kēmu.