Te kēmu tuatahi mo te tira o Aōtearoa i te whakataetae AFL

Wepiha Te Kanawa
  • Ahitereiria

I tuku rae ki te rae te kapa AFL Wāhine o Aotearoa i raro ngā pakeke i te tekau mā waru inanahi i Tāmaki ki a Ahitereiria.

Ā, ahakoa he ono wiki noaiho rātou e takaro tahi ana, e ai ki a Robert VanStan te rangatira o AFL Aotearoa, kei te puta mai te koea.

He kemu e kore e tino kite i Aotearoa nei, otira mo ngā wahine e takaro ana. E tuki ana rae ki te rae te kapa o Aotearoa mo ngā wāhine i raro iho i te tekau mā waru tau te pakeke ki a Ahitereiria.

He rua marama noa rātou e takaro tahi ana, ā e ai ki te rangatira o AFL Aotearoa he hanga huarahi te whainga.

Heoi kaore he otinga pai mo te kapa o Aotearoa.  Ko tā te uri o Ngāti Kuri a Claudia McMeekin, he iti noa āna mohioranga mo te takaro AFL i te timatanga.

Ko te whai o Ahitereiria hei te tau 2020 ka whakatūria he roopu motuhake mo ngā wāhine, ā ka whakatūwhera ngā kuaha ki a rātou mā.