Kua timata te Tōnamana Rīki Rangatahi

Rahia Timutimu
  • Ahitereiria

Mō ngā rā e rua, nui ake i te rima rau ngā kaitākaro riiki ka tū hei māngai mō ā rātou rohe ki Rotorua ki te kite, ko wai te toa mō te tau rua mano tekau mā whā.

Ko te kapa o Waikato ngā toa o tēra tau ki te wahanga tekau mā rima tau te pakeke, heke iho, ā, whakaatuhia tā rātou toa ki te kapa o Te Waiariki, me te wikitoria i tā rātou tukinga tuatahi, he toru tekau mā rua ki te tekau mā waru.

Ko Tāmaki ki te Tonga ngā toa o tēra tau i te reanga tekau mā whitu tau heke iho, heoi, i kaha aru a Te Waiariki ia rātou. I te mutunga ko Tāmaki i toa, tekau mā whā ki te tekau mā rua.

Ehara ko te whai wikitōria tā rātou hiahia mō ā rātau kapa, heoi, e hiahia ana ngā kaitākaro ki te patipati i te hunga kaiwhiriwhiri o ngā momo kapa NRL, kua tau mai ki konei ki te kimi i ngā kaitākaro toa.

Ko Mark Hughes te kaiwhiriwhiri o te karapu Parramatta Eels, kua mahi tahi hoki me te karapu Bulldogs, Rabbitohs hoki. Kua whiria e ia i ngā momo kaitākaro toa o te ao, ko tētahi ko te hautipua nei, a Sonny Bill Williams.

Hei te pō apōpō e āhei ana ngā kaitākaro rima rau te nui te whakarikarika i ngā kaiwhiriwhiri kei te whakataetae nei.