Ka tutaki atu ngā Northern Mystics ki ngā Melbourne Vixens

Rahia Timutimu
  • Ahitereiria

Whai muri mai ngā wiki maha e whakangungu ana mō te tīmatanga o te whakataetae poitarawhiti ANZ, kotahi noa te aronga ma te kapa Northern Mystics mō te tau rua mano tekau mā whā.

I a rātou e whakareri ana mō tā rātou tukinga tuatahi o te whakataetae ki te kapa Melbourne Vixens.

Ko Laura Langman tētahi o ngā kanohi hou o te tira.

Ia rā ka haerere mai te kaitākaro Rarauwhe Hiriwa ki Tāmaki Makaurau i tōna kainga i Kirikiriroa ki te tākaro me tōna kapa hou.

E tōrunga ana ōna whakāro, ā, kāore ia i te wehi i te otinga tuamutunga mai o tōna kapa hou i tēra tau.

A, mai i te taha a Anna Harrison mātaki ai i te whakangungu, he wharanga ki tana waewae te take.

Hei tēnei Rātapu kitea ai mēna he hua ō roto i ngā kaitākaro hou, ka tuki atu rātou ki te kapa Melbourne Vixens hei tēnei Rātapu.