Kei te pūmau tonu a Berridge i tana tātua PABA

  • Ahitereiria

Marakerake te kitea te hari me te koa o Robbie Berridge kua mau i a ia tana tatua PABA.

He pai te timatanga o te whawhai mekemeke ma Robbie, takitu ana ki tōna hoariri me te pā o ana mekemeke ki a ia.

Heoi i pēra hoki te pahū o etahi o ngā mekemeke a Foley, i pā atu ana ake mekemeke ki a Robbie i te rauna tuarima.

A ka hāere tonu tera wairua meke atu, meke mai tae noa ki te mutunga o te rauna.

Ahakoa i runga tonu a Robbie i a Foley, i tumeke ai te kaipupuri o te tātua, patua ia ki te papa.

Heoi na kona i hihiri ai te "Butcher" kia hoki kaha mai i te rauna tuawhitu.

Engari he manawa piharau a Foley, hoki mai ai ahakoa te aha.

Heoi ano, i te mutunga iho na ngā mekemeke a Robbie i ngoikore ai te hoariri, otira he wikitoria te rauna tekau.

A na te pai o tenei mekemeke, kahore e kore ka whawhai ano te tokorua nei a muri atu.