He oranga nui mā Gunnar Jackson ki te whawhai ki a Mundine

Tamati Tiananga
  • Ahitereiria

Ka rere atu te kaimeke middleweight o Aotearoa a Gunnar Jackson ki Piripane, mō te whawhai o ngā whawhai.

Whai muri i te kore whakahoki a te kaiwhakahaere a te tautōhito nei nō Amerika a Billy Lyell ki a Mundine kia whawhai tahi rāua nā runga i te māuiuitanga rewharewha o tōna haoriri tuatahi a Carson Jones, ka huri atu rātou ki te whāriki he tāpaetanga ki te aroaro o Jackson.

Kātahi nei a Shane Mosley, toa no Amerika i turakina e Mundine me te meke TKO, āpiti atu nōna noa nei ka eke atu a Jackson ki te keokeonga o te taumata mekemeke, mōna i whakahinga i a Opeti Tagi ki a wikitōria ai te taitara WBO Oriental o te rēanga middleweight i te marama o Hakihea.

He tino whawhai tēnei mā Jackson me te mohio ka whai oranga ia a muri i te pakanga.

E ai ki ngā kōrero kua tau mai ki a Te Kāea, mā te utu e ai te utu kia whakaharatau tūturu ai te ihu manea nei he rua tekau mā whitu tau te pakeke.

Tāpiri atu, e ai ki a Jackson ka hoki atu ia ki tana mahi tūturu a tērā wiki mō nāianei, ki a rite noa ia ki te whai atu i tōna huarahi mīharo rawa.