Kaupapa: Rugby

Te whakataetae pā whutuopōro o te Tāhimana

  • Ahitereiria

Heoi ahakoa ngā hinanga ko te wikitoria te whai a Aotearoa i te tukinga whakamutunga.

Mai te timatanga i whakātuhia ai e Ahitereiria ko te wikitoria te whāinga nui.

Heoi hiahia hoki tā Aotearoa i te wikitoria, i whakātuhia e te uri Maori a Keisha Grant tona tere, me te tata piro i ngā mineti timatanga. I angitū ai a Ahitereiria i tā rātou tukunga tuarua ki te rārāngi, he taha kaha hoki mo te mahi ārai.

Heoi nā te kaha o Aotearoa i whatia e rātou tēra rārāngi, he hua i puta ake i tētahi kuru tawhiti a Keisha. He poto rawa te wā whakanui mo Aotearoa i tā rātou piro nā te hokinga mai o Ahitereiria ki te whai piro ano i tā rātou kokonga.

Nā te hihiri ake a Keisha i noho tau a Aotearoa ki te tukinga me ngā nekehanga ngawari.Inā i puea ake te kaha o taua uri Māori ki te whai piro
Piro atu piro mai ngā kapa e rua, i ōritetia ngā tatau i mua i te wehenga rua.

Pupū ake te hiahia a Ahitereiria ki te wikitoria, me te rironga o ngā piro e rua i te kokonga maui, te kokonga matau hoki kia toru ki te rima ngā tatau.

Heoi, i te mutunga ake ahakoa i riro i a Aotearoa tētahi atu piro i pupū ake te kaha o Ahitereiria me te kaha mātatau o taua tira a i eke rātou ki te taumata i wikitoria te taitra he ono ki te whā te kaute whakamutunga.