Kua whānui te titiro a te kapa Melbourne Storm ki Te Matau a Māui

Aroha Treacher
  • Ahitereiria

Kua auraki mai te kaitakaro Melbourne Storm a Tohu Harris, ki tōna ūkaipō, ki te orokohanga o tāna hāere i te ao rīki.

Hei tā Harris, he rawe ki te hoki mai ki te kāinga, te kite i te whānau, ā, i hoki tahi mai rāua ko tana hoa wahine i tēnei wā.

Nōna e taiohi ana i kōwhiria ia e te Storm.

E rima ngā tau ki muri nei kua whai wāhi nui ia ki te kapa hei tautohito. Na kona, e minamina atu nga kaiako ki te Matau a Maui.

E whakapono ana te kaiako a Tony Adam, he nui ngā hua e huna ana ki tēnei takiwā, nō reira i whakaaro ake mātou kia tautoko i te tono a Harris kia hoki mai ki tōna wā kāinga.

He wāhi tēnei mā Tohu ki te whātoro atu ki ngā mahuri tōtara rīki o tōna tūrangawaewae hei pouarataki.

Maringanui ana ngā taitama i tae mai ki te wānanga nei kia wēpua e ngā mātanga rīki nei, hei whātaretanga atu mā nga taitama ki te ao ngaio riki.

E rua ngā karahipi ka hoatu e te Storm ki tētahi tokorua i whakapau kaha, e whai ana i ngā āhuatanga tika mo te tira Storm.

Heoi anō, kei te taro tonu kē te whakatau ko wai i tohua.