Ahakoa kua hinga a New South Wales kua tū toa te tira

  • Ahitereiria

E waru tau e tatari ana, Heoi inaianei i te pupuri ringa nei te kapa Blues i te hira State of O.

Ahakoa kua hinga kē te whakataetae ko te hiahia a te kapa Maroons kia eke panuku i tēnei tukinga tuatoru engari nā te hoariri ngā māka tuatahi me tētahi whana hāmene.

Whai muri i ngā whakamātauranga ki te rarangi piro me te kaha ārai a te kapa Blues, i tutuki i te tira Maroons a rātou māka tuatahi nā to rātou kāpene mana nui nā Cameron Smith, kia ārahi ai i te tukinga e ono ki te rua i te wehenga rua.

I kawea tonu e te tira Maroons tērā taumata tākaro ki te haurua tuarua me tētahi piro ki te hiku ki a Billy Slater.

Ahakoa i whakawhitia te rarangi piro e te kapa Blues nā te waewae parahutihuti a Rhys Dugan kāhore i aukatia te kokenga o te hau kāinga, i ngā meneti e waru whakamutunga, e toru ngā wā i eke ki te rarangi piro kia wikitoria ai te tukinga tuatoru toru tekau mā rua ki te waru.

Tērā tērā, kei te kapa Blues te hira State of O, ā, ka taea e rātou te whakauru atu i a ia ki tā rātou kapata taonga mō tēnei tau.