Kaupapa: UFC

Kua rite pai a James Te Huna kia whawhai ki a "Shogun" Rua

Tamati Tiananga
  • Ahitereiria

He kaiwhawhai ō-mua a James Te Huna i a Mauricio "Shogun" Rua, engari hei tēnei Rāhoroi ka pakanga atu a ia ki te toa ō-mua o te Ao me te aha ka kawea atu ōna pūkenga.

Ka tū hoariri atu a James Te Huna ki tētahi o ngā tino ika unahi nui, hei tāna kua rite a ia.

He whakatau i hua ake i tana tono ki te UFC kia pakanga tahi rāua.

I whakaaetia mātou o Te Kāea ki tōna rūma hōtera.

Kua hou te rongo a Mauricio "Shogun" Rua i te ao UFC, engari whai muri i tōna hingatanga ki a Jon Jones i te tau rua mano, tuangahuru mā tahi, kua heke tōna mana.

Nō te rangi nei i tūtaki tuatahi rāua tahi i te huinga UFC I te rohe toa tauhi o Queen Street.

He ngākaunui a Te Huna engari he mōhio tonu e hiahiatia ana tana hoariri kia whai hua i tēnei whawhai.

Hei tāna anō, e rere ana ngā āmaimai, engari me koke tonu.