Kua tūrakina a Hāmoa e Tonga

  • Ahitereiria

Ko ngā uri o Tonga i konei, i Ahitereiria, i tō ratou ake whenua hoki e ngahau ana whai muri i tā rātou wikitoria i runga ake i te tira nō Hāmoa i Poihākena.  Kikī ana ngā kapa e rua ki ngā toa o te NRL, ā, ko te kiwi ō-mua a Roy Asotasi i ārahi ai a Hamoa, heoi kāre i paku aha tēra, i hinga rātou ki a Tonga: 4-36.

E whā mēneti anake i pau ka puta mai te piro tuatahi o te tukinga, i turaki a Langi i ngā kaiārai e toru kia whakawhiti ai i te rārāngi.  I a Tonga te pōro mō te nuinga o te wā, ā, i tae anō ki te rārāngi piro.  Mai kore te maka a Foster ka eke te piro a Likiliki.

Ka pau te 27 mēneti ka whai piro ngā mākau o te tukinga nei a Hāmoa, kia ārahi a Tonga 10-4 ngā tatau i te haurua.  

I te haurua tuarua i kaha anō te tākaro a Tonga, ko Likiliki anō tērā i whakawhiti i te rārangi.  Ā, he taumata anō i ekea e Tonga, me te riro i ngā piro, he waingō mā rātou te wāwāhi i te taha ārai a Hāmoa.

Ahakoa ko Hāmoa ngā mākau o te tukinga nei ko te tira paetahi a Tonga i turaki i te hoariri me te wikitōria: 4-36.  Kei runga i te huarahi tika ia rātou e whakareri ana mō te Ipu o te Ao mō te rīki hei tēnei tau.

Kairīpoata:  Rahia Timutimu