Te whakapeto ngoi a te whānau Tamati mō te tauwhainga Iron Māori

Aroha Treacher
  • Ahitereiria

E rima tau nō tōna atinga  kua tipu ake te whakataetae o Iron Māori kua whitu ngā tauwhāinga te rahi, ki Aotearoa nei me Ahitereiria.

He tomokanga ki te ao o te hauora, e hia ngā haora ka whakapaua e ngā kaioma ki te whakariterite i a rātou.

Ā, mō Trina Tamati, he hoki mai i Poihakena ki Aotearoa nei ia wiki e tohu ana i tāna pūmautanga ki te kaupapa.

I pau ngā tikiti Iron Māori te hoko i te tekau mēneti noa.  Heoi, o ngā kaihoko rua mano rima rau, i riro i te tokotoru nei ētahi.

Mā te āta whakarite e tāea ai e Trina āna whakangungu.  He kaiwhakahaere takunetanga mō te NRL, ia wiki ka kaikapua mai ia i Poihākena, ā, ka wātea ana ia, ka heke atu ia ki Te Matau-a-Māui ki te whakangungu tahi me tōna papa, rātou ko tōna matua kēkē.

Kua eke tēnei tuakana teina ki o rāua tau ono tekau, heoi, mai anō i te tau rua mano ma iwa, uru ai rāua ki ngā whakataetae katoa.  Ko Kevin tētahi Kiwi i ngā tau waru tekau, nā kona tōna manawa kaitūtae ki tēnei whakataetae.

I roto i te whānau nei te wairua tātāwhai e āmio ana, kia kitea ai ko wai o rātou ka tae tuatahi ki te rarangi mutunga.