Kua wikitōria ngā Breakers ki ngā Tigers o Poipiripi

Wepiha Te Kanawa
  • Ahitereiria

Kī katoa te whakangungu a te kapa Breakers i te menemene i te rangi nei, whai muri i tā ratou wikitoria tuawhā o te tau takaro nei, kia piki ake ai ratou ki te turanga tuawhā I runga I te tepu ANBL.

Ko Mika Vukona te whetu kānapanapa i te tukinga ki nga Taika o Melbourne i tērā wiki, i riro i a ia he tekau mā whā piro, he tekau ma whitu turapa ano hoki.

Ko tā Vukona, “He wikitōria mīharo tēnei, i whakapau kaha matou ki te toa, ā kaore e kore ka kite i ngā hua i enei wiki kei te hāere mai.”

E kore rawa pea ēnei whakaihuwaka e whai wahi ki te whakanui i tēnei wikitoria, i runga ano i te mohio he takaro nui kei tua I te awe mapara, ki ngā manu noho matarae, ki te kapa Perth Wildcats.

O ngā kemu tekau mā tahi, kotahi noiho te hinganga a te kapa Wildcats i tēnei tau takaro, ko te tukinga ki te kapa Adelaide 36ers.

E rua ngā rā e toe ana ka wehe atu te kapa Breakers ki Perth, ā kotahi wiki ki te whakangungu mo tā rātou tukinga a tērā wiki.