Ka kawea te taki o te AFL e ngā toa U18

Tamati Tiananga
  • Ahitereiria

Ko ngā toa whā tekau kei raro i te tekau mā waru tau te pakeke o te hōtaka whakawhanake pūkenga AFL o Aotearoa i whakakotahi atu ki Te Whanganui-a-Tara i te rangi nei.

He tekau mā ono tau tona pakeke, he ono ira rima putu tona teitei, ko Terei Clark tona ingoa, uri no Ngāti Wai, kua tohua hei ihorei o āpōpō.

Nō te rangi nei whakahāere ai a AFL he momo wānanga whakamātau pūkenga me te wawata ka puta o rātou ihu, i upoko maro ana te karawhiu a Clark rātou ko ona hoa whakaharatau toru tekau mā iwa nei.

Ko te whāinga nui o Clark kia mau i a ia ngā whatu o ngā kaikimi o te kapa Swans no Poihākena.

O ngā kapa tekau mā waru i te whakataetae AFL, he tekau ngā kaikimi no ngā karapu tekau i tae atu.

Hei tā Kevin Sheehan, “What we have seen are some very athlete performances, we have been testing Australia for over twenty years and only internationally for the last three.”

Hei tā Sheehan, ko te tokomaha o rātou i tae atu ki te huihuinga nei, ka puta hei toa i te whakataetae AFL a tona wa.