He wikitoria nui mo te tira NSW

  • Ahitereiria

Nā ngā maroons tērā hihiri i whakatinana ake hei māka, i te rerenga o te pōro ki waho, ki te parahutihuti ki a Darius Boyd.

Heoi, whai muri i tērā piro, i whara te tautohito tūwhangai o Queensland a Cooper Cronk, he wharanga i tino raru ai ngā Maroons i muri iho.

Ka riro i ngā Blues te ihi, ka tapepe a Hayne i a Jonathan Thurston, me te aha ka piro a Brett Morris. I eke anō a Hayne ki te piro kia arahi ai ngā Blues i te tukinga Origin kotahi rau, tekau ki te wha i te wehenga rua.

I te haurua tuarua, i tū rangatira tonu te manuhiri, ā, ko Hayne ano tērā i whakararu i te hau kainga, kia whānui ake te āputa mā te waru māka.

Heoi i whai kaha ano a Queensland, i kokiri whakamua kia eke ano a Boyd i te rarangi piro.

I whakaheke tōtā ngā Blues i ngā meneti whakamutunga kia riro hoki ai tā rātou wikitoria tuatahi ki Suncorp mai i te tau 2005, he kokenga nui hoki tēnei kia wāhia te rekoata wairuatoa o te iwa tau.