Zero tolerance of P manufacturing in iwi homes

Talisa Kupenga
  • Tāmaki Makaurau

He upoko pakaru nei te whai a Ngāti Whātua ki te rapu ake i te hunga e hanga ana, e kai ana hoki i te taimiri P ki ō rātou kāinga ā-iwi. E whai muri ana tēnei i te kaha maha o ngā whare kaporeihana e kitea nei tērā o ngā taimiri. O ngā kāinga ono tekau mā whitu mano, e whā rau he whare P.

Kei te tu kaha Te Whare Kaporeihana o Aotearoa ratou ko Ngati Whatua kia whakakorea te raru P.

Tata ki te ono miriona tara te nui o te putea kua whakapaua i roto i nga marama e ono, hei whakatika i enei kaenga.

Engari he utu ano kua hua mai.

Hei tā te kaikōrero mo Te Whare Kaporeihana o Aotearoa a Paul Commons, “It's damaging our homes and denying homes for families in need though. So the real casualty of this is homes aren't being occupied by families who need them."

Kei te whakatu whare tonu a Ngāti Whātua hei whakamaru i tona rahi ki Tamaki. A, e mohio pu ana ratou ki nga āhuatanga kikino o te whakapoauau P.

"Ko te whainga nui kia P kore tenei hapori. Koira te whainga nui. engari era etahi pea kei te kai tonu i era kai no reira kotahi noa iho te koreo ki a ratou, whakamutua tera mahi. Whakamutua kei panaia koe,” hei tā Joe Pihema nō Ngāti Whātua.

He matanga a Miles Stratford ki te whakamatau whare mo te whakapoauau nei. Rua-rau-rima-tekau nga whare ka tirohia e ia ia marama - he ekenga tera ki te tau kua hipa.

Ka akiaki ia Stratford i te hunga kaihoko kia tirohia o ratou kaenga i mua i te hokotanga atu, "So worst case scenario is you have to knock the thing over and start again. But if there is manufacture that has gone off and the walls are being ripped out and the electrical fittings are gone. If there is ventilation that's removed as well. And if there is an HRV system or DVS system then that can go as well."

Ko te whakapae a Te Kaporeihana Whare o Aotearoa, ko te timatanga noa iho tenei o tetahi raru nui.