Youngatira, ka waihanga mai he rangatira.

Tema Hemi
  • Tāmaki Makaurau

E ako ana ētahi rangatahi o Tāmaki ki te Uru i ngā pukenga katoa o te ao kiriata, ā mai i ngā mahi whakahaere kāmera ki te whakamahi pākōkō. Ko te hōtaka rangatahi tēnei i tapaina ko 'Youngatira' e whakahaerehia ana e te tarati o Te Whānau o Waipareira. 

He kōwhiringa tēnei ma ēnei rangatahi kia whakatinanahia i o rātou moemoeā i te ao kiriata.

ko tā kaiako a Jana Nee kōrero, "I kite au i ētahi o ngā tāne e kore e whakapono ana ki ngā mahi whakāri ā e kore e whakāro kia whai i tēnei huarahi whakāri engari na tēnei whēakotanga kua tuwhera mai a rātou matā ki tēnei ao."

Ko tā tauira a Danae Valo Christian Kitiona hoki, "He wāhi haumaru tēnei mōku ā he nui ngā akoranga kua riro mai ki ahau, ka ako ā whānau mātou me te whakatō i taku katoa i roto i ngā mahi, anō ra me kaha tonu ki te whakapuaki whakāro."

I roto i ngā marama e ono kua whaia e rātou i ngā whainga katoa o te ao whakāta kiriata hoki.

Ko tā Nee anō, "I eke mai rātoui i te kaupapa nei ā i ako i ngā mea katoa. Ko te taha ki ngā tuhituhinga me te kōrerotia o rātou ake purākau, ko te taha ki ngā tānga me ngā whakaauahatanga ka taea te whakaputa whakāro."

Ko tā te kaiako a Fender Maeva, ko te wero nui kia hanga mai he manu matārae.

Ko tā Maeva anō, "Ko te ingoa Youngatira, i ahu mai i te kupu 'rangatira' ā ko tōna tikanga he pouarahi, i whakāro mātou kia whakaauaha tēnei ingoa ma mātou, i tapaina ko Youngatira ara he rangatahi e rangatira ana."

Na te putea auaha o Te Pou Matakana i taunaki ai i tēnei hōtaka kia tu rangatira ai.

Ko tā Jacqui Harema o Te Whānau o Waipareira, "He ao matihiko, he reanga matihiko hoki nōreira me whai rātou i ngā pukenga e taea ai rātou te whakāhua i a rātou anō, kia mārama hoki rātou ki ngā mahi pāpāho ipurangi hoki e taea anō rātou te tuku atu i ta rātou karere e pā ana ki te pouarahitanga e motuhake ana ki a rātou."

I waihanga mai e te hōtaka Youngatira e wha ngā kiriata poto ā ka whakātuhia hei te pōmere ki te ahurei Youngatira Film Festival ki te whare tāpere o Classic ka tu ki Aotea Square.