Kaupapa: Indigenous

The World Tourism Summit in Waitangi

Tema Hemi
  • Te Tai Tokerau
  • Tāmaki Makaurau

He huihuinga ki raro i te maru o tēnei hōtera manāki tūruhi ki Waitangi ki te rapu huarahi whakawhānui ake i te kaupapa e whai hua ai nga tīkanga Māori.

Ko tā te kaiwhakahaere  o Tāpoi Māori Aotearoa ā Dale Stephens, "Koira ko te tauira ā ngāi Māori ki ngāi tauiwi, ā ko ngā tīkanga Māori ka whēakongia e rātou te tino rereketanga."

Ko te whakatauōrite o ngā tīkanga Māori me te tiaki i tōna hāponotanga ki waenga i te ao pākihi he take kei te kōtihi o ngā whakāro ā nga kaiwhakahaere tāpoi katoa. Inā te hiahia ā te minita whanake Māori kia pakari ake te haere o ēnei tumomo mahi. 

Ko te whakatauōrite o ngā tīkanga Māori me te tiaki i tōna hāponotanga ki waenga i te ao pākihi he take kei te kōtihi o ngā whakāro ā nga kaiwhakahaere tāpoi katoa. Inā te hiahia ā te minita whanake Māori kia pakari ake te haere o ēnei tumomo mahi. 

I roto i nga tau kua pahure kua kitea te huhua o nga turuhi e rata ana ki te nōta. Kua piki ngā whika mā te rima tekau paiheniti.   

Ko tā Stephens anō, "Ka mahi tahi ngā pākihi Māori kia hanga mai he hononga ehara mo te whai kirimana anake engari mo te whai huarahi mō āpōpō. Nōreira ko ngā ritenga ka ahua tō roa ake hēoi ka whanake mai he tuapapa hei whakakamārohirohi nei i te hononga e tāea ai te hononga kaipākihi te ora mai mo ake tonu.

Ko te kounga o te rātonga tāpoi me te tūhāhā Māori nei, e kore tāea te wheakongia ki wāhi ke i te ao whānui te take ka tatu mai ngā tūruhi ki Aoteroa mai i nga tōpito o te ao. 

He ai ki a Mori Rapana kaiwhakahaere tāpoi ki Waitangi, "He nui rawa atu nga akoranga kei roto i tēnei hui whakahirahira o tātou. I mauria mai ngā iwi taketake i a rātou whēako kia whakawhānuitia kia kōrerotia ki ā mātou."

E whakapono ana ngā kaiwhakahaere tāpoi ka tipu tonu ngā mahi tāpoi ā ka tipu hoki te whai mahi mā ngā hāpori Māori ki Aotearoa nei.