Kaupapa: Entertainment

Whiti katoa ana ngā whetū i te Pō VNZMA 2013

Wepiha Te Kanawa
  • Tāmaki Makaurau

I tohua ngā toa o te pō tuku taonga puoro Vodafone inapō i te whare tapere o Vector.

Ko Stan Walker, ko Fat Freddy's Drop, ko Aaradhna, rātou ko Shapeshifters ēra i whai tohu nui. 

He pō whakanui i ngā taiea o te ao waiata o Aotearoa, ki ētahi ehara ko te waiata, engari ko ngā kākahu kē te kaupapa matua.

Nā Lorde te huihuinga i whakatūwhera me tana waiata 'Royals'.

E rima ngā tohu i whakawhiwhia ki a ia, te waiata o te tau, te kaiwaiata hōu, te kiriata waiata, te kaiwaiata kua angitū i tā wāhi me te tino kaiwaiata i whiria e te marea.

He whakataki, he whakangahau, he wikitōria hoki ngā mahi a Stan Walker inapō, mō te waiata kua kaha rangona i runga i ngā irirangi mō tana waiata 'Take it Easy'.  Ohorere katoa ana ia.

Ko Aaradhna hoki tētahi i angitū ināpō, e toru ngā tohu i riro i a ia, ko te kōpae o te tau, te kaiwaiata wahine, me te kōpae hiphop mō tana kōpae 'Treble & Reverb'.

Ā, ko te tino tohu o te pō ko te kōpae Reo Māori i riro i a Maisey Rika mō tana kōpae 'Whitiora'.