Whānau ora information has always been available - Tamihere

  • Te Whanganui-ā-Tara

He pāpare tao anō tā te Minita Whanaketanga Māori, tā Te Ururoa Flavell mō Whānau Ora, i te rerenga o ngā whiu kōrero a ngā mema Māori o Reipa mō te kaupapa here matua a te Pāti Māori. Ka mutu, he kaha te urupare a te tāhuhu rangapū o tētahi o ngā kōmihana o Whānau Ora, a John Tamihere.

Anei te whakautu a te Minita Whanaketanga Māori ki ngā whakahē i rō pāremata i te rā nei, e pā ana ki te wātea o ngā hua o Whānau Ora ki te katoa.

Hei tā Flavell, “All of the reports from the reports from Commissioning Agencies are available online on the website, and are public documents, anyone can read them.”

Ko tā Tāhuhu Rangapū o Te Pou o Matakana, ko ngā whakahē i puta i ngētehi o ngā mema Māori o te Rōpū Reipa, mō te putanga kore o ngā ripoata o Whānau Ora, he nanakia, he rūkahu hoki.

“I and our chair briefed the Labour Party Māori caucus at great length in August last year.  Nanaia Mahuta was on sick leave, she came here in April, six weeks ago and was fully briefed for three and a half hours in this room on all the details, all the numbers and all the funding,” says Tamihere.

Nō te orokonga o Whānau Ora i ngā tau e ono kua hipa, kāore anō te tari o Te Puni Kōkiri kia tuku rīpoata whakarāpopoto i ngā mahi a ngā tari komihana o Whānau Ora.  Ko tā te Māngai o Whānau Ora o te Rōpū Reipa, nāna te pātai i tuku ki te minita Whanaketanga Māori i te komiti whiriwhiri.

“E toru ngā me kī Commissioning Agencies, he rerekē kei ā rātou ngā whainga, hei oranga me kī, hei painga mō ngā whānau, ka pēwhea Te Puni Kōkiri te aromātai i ngā mahi o āua Commissioning Agencies? Kāore i tino whakautu pai,” says Mahuta.

Ko te whakatau a Te Ururoa Flavell, e herea ana ngā Tari Komihana o Whānau Ora e ngā whakaritenga mārama te kite, haepapa hoki, i raro i Te Whakaaetanga Huanga i waenga i Te Puni Kōkiri me rātou.

Ka pātai atu a Mahuta ki ngā Tari Komihana o Whānau Ora e toru ki te whakatakoto i ā rātou rīpoata i mua i te Komiti Whiriwhiri Māori.