Weavers make 200 kākāhu for Te Matatini pōhiri

  • Te Tai Rāwhiti

He tata ki te toru marama nei te Marae o Te Awhina ki Omahu e haruru ana i te mahi a ngā kairāranga kua ikapahi atu ki te rāranga i ngā kākahu e rua rau te nui. He kākahu ēnei mā ngā kaihaka ka whai waahi atu ki te haka pōhiri o Te Matatini ki Ngāti Kahungunu hei tērā marama.

Mā whero, mā pango e oti ai te mahi rāranga kākāhu mō te haka pōhiri.

Hei tā Keita Tuhi, “Ko te pātai nui ka mau tātou i te aha, nā reira i whakaaro ētahi o mātou ka pēnei te āhuatanga o kākāhu mō te kaihaka te tangata o te pohiri me ērā atu.”

Kāore anō ngā rama kia whakawheto i ngā marama e toru i te wharekai nei o Te Puanani nā te nui o ngā tāngata e haere mai ana ki te mahi.

E ai ki a Keita Tuhi, “Kia taetae mai te iti te rahi ki nga kuaha nei i raro i te maru o tātou o mātou whare kia tutuki e rātou ki te hanga o ngā kākāhu.”

Katoa ngā rauemi nō te kainga, otira kei te mahi e katoa mō te aroha noa kia tautoko i te kaupapa.

Ki tā John Tuhi, “Ko te nuinga o ngā harakeke i te taha o te rori i muri i ngā whare i kōnei i te kainga nei i Omahu nā mātou i tono atu ki te kaunihera pakeha nā rātou e whakaae ana.”

E matapaetia ana e rima rau ngā tāngata piki ake ka whai waahi atu ki haka pōhiri hei whakapuare i Te Matatini.