Water ownership faces scrutiny

Dean Nathan
  • Te Tai Tokerau
  • Te Waipounamu

Hei tā Donna Hall o Te Kaunihera Māori, tē taea te whakahaerenga o ngā rawa wai Māori te whakawhanake atu, kia tau rā anō te rangatiratanga ki a ia. E whai ana tēnei whakaritenga i te putanga o ngā whakahōutanga a te kāwanatanga mō te wai Māori. 

Ka puta te pātai a te Kaunihera Māori mo ngā tika tohanga i te wai ao ake i te putanga mai o te mahere tohanga wai a te kāwantanga mo nga waimaori. 

“Basically for everyone who gets that paper the New Zealand Māori Council sees the position like this.  What the Government is doing is working out whose going to be the tenant of the house and what colour the walls are going to be painted and what a fair rental will be.  But it hasnt asked itself who owns the house.  That is the position that the council takes.  There is a fundamental question to be asked about water and it needs to be answered,” hei tā Donna Haal, te roia o te kaunihera Māori.

E ai ki te whārangi ipurangi a Te Manatu mo te Taiao, ko te urunga mai o te Maori ki roto nga whakahaere wai tetahi whainga o te mahere a te kawana.  Engari kei te noho tupato etahi, e kore te kawana e uu ki nga matapono o Te Tiriti o Waitangi.

Hei tā Patu Hohepa nō Te Mahurehure, “Ko te kawana kee e tuku ana I te mana hoko I o tatou wai ki etahi atu.  E kii ana ratou kahore he rangatira o te wai.  E aha ana ratou ki to tatou nei wai?  Ko tatou kee nga rangatira ki raro I Te Tiriti.  Ko ratou nga kaitiaki.  Mehemea kahore e oti ia ratou te tiaki, whakahokia mai.”

Ko te Kaunihera Māori o Aotearoa tetahi i kaha kokiritia nga kereme waimaori.  Hoki atu ki te tau 2008, na Donna Hall i arahi ia Ngati Rangiwewehi o Rotorua ki mua i te Kooti Taiao ki te whakahee i te ngotenga mai o nga punawai o Taniwha.  

Hei tā Hall, “The water case is gonna come back on for hearing.  I'm actually up here today.  I've just finished meeting with Professor Hohepa who has agreed to give the customary evidence of why Māori claim to have particular and significant interest in water.”

“Kua tae ki te waa hei titiro ano.  He aha ra te panga o te wai me te ngawha puta noa I o tatou takiwa.  Te waiariki e tangohia nei e hokona nei te nuinga e te kawanatanga.  Na ki au, me titiro ano tatou ki ena,” hei tā Hohepa.

Ko te tūmanako o Donna Hall, hei te marama o Hepetema tae atu ai ngā kereme mo te wai māori ki mua i te taraipiunara.