Unlawful possession charge following death of toddler

  • Tāmaki Makaurau

Ki te aroaro o te Kōti a Rohe o Manukau i te rā nei, tū ai te tāne, e rua tekau ma rima tau te pakeke i mauherea whai muri i te pupuhinga o tētahi kōtiro ki Mangere. E rua noa iho ōna tau, ā mate tonu atu. Ko te hara mau pū kore raihana te whakapae kua ūhia ki te tane e joho mauhere nei.

He noho muna te hiahia a tēnei wahine e ngākau pouri rawa atu ana i te matenga o te pēpi, e rua tau noa iho te pakeke, i te whare kei tua i tōna.

"It has been a lot to take on, having to leave during the day and coming back at night // just waking up again and seeing it on the news and knowing that we are just next door, it's just really heart breaking, I just cry."

Ki te Kōti Takiwa o Manukau i tenei ahiahi, ka mana te tono kia noho tonu te tapu ki runga i te ingoa o te tāne, e rua tekau mā ono ngā tau kua hāmenehia mō te mau pū kore raihana

"I do pray that the lord guides them through this time of mourning, and just keeping everyone safe at this stage," hei tā te kainoho I Mangere.

Nō nanahi tonu nei, e whakapaetia ana ka puhia te kōtiro ki te pū hoata. Hei tā ngā pirihimana, kāhore rātou i te rapu i tētahi atu mō te matenga, ā, e haere tonu ana tā rātou whakatewhatewhanga.

Kua puta te kōrero i te ope pirihimana, kīhai tētahi o te kainga nei, i mau raihana pū, ā, e rangahau ana rātou, mā roto i te aha, i whai pū te kainga nei.

Kīhai i whakaaetia te tono utu here mō te kaiwhakatuaki, ā, ka mauherea tonutia ia. Hoino, kua whakaae te kōti, kia puta te kaiwhakatuaki mō te tangihanga a te pēpi ā tērā wiki.