Uiui ana a Rocket Lab ki ngā kainoho mō te whakatū waka tawhio i Te Wairoa

Aroha Treacher
  • Te Tai Rāwhiti

Ko tētahi wāhi tūhāhā pea o Te Wairoa ka noho hei wāhi pai hei whakarewa i ngā waka tawhio ki ngā whetū.

Kei te whakawhititwhiti kōrero te kamupene a Rocket Lab ki te iwi kāinga kia hangaia ai tētahi o aua mīhini rā ki tō rātou rohe.

Kei te tipu tonu te pakihi rere ātea o Aotearoa, kei te kimihia tētahi waahi hōu e te kamupene Rocket Lab hei whakarewa i ō rātou waka tawhio ki te rangi.

Kei te iti ake tēnei mīhini tuku waka tawhio i ērā o Amerika, he kōtahi mita te rangiwhiti he tekau mā ono mita te roa, ko te whai, kia tukua tētahi waka tawhio ia wiki.

Mō ngā kamupene e hiahia ana ki te whakawhānui ake i a rātou anō, mā Rocket Lab o rātou waka tawhio e tuku mō te ono miriona taara noa.

Kei te aro taua kamupene ki ngā waahi tūhāhā pērā i Onenui i te kuiti o Mahia.

Ko te hanga ara ki ngā whetū he rāngai mahi moni nui, a, mehemea ka whakatū taua mīhini, he kainga tēnei mō tētahi ahumahi hōu.