Treaty of Waitangi to be housed in new exhibition

updated Heeni Brown, Rahia Timutimu
  • Te Whanganui-ā-Tara

Ākuanei whai kāinga anō ai ngā kura kawenata matua e toru o Aotearoa. Ko Te Tiriti o Waitangi, ko āna wāhanga e toru i whai pānga ai ki ētahi ekenga nui whakaharahara i te hītori o Aotearoa, ka whakakāinga atu ki Te Puna Mātauranga o Aotearoa.

Kua rewa i te minita mo Te Tari Taiwhenua a Peter Dunne, me te mana whenua, ngā rangatira ā iwi hoki te whakakitenga hōu, "He Tohu - A declaration. A treaty. A petition."

E ai ki te hemana o Te Rūnanga a Iwi o Ngāpuhi a Carol Dodd, “He tohu represents and personifies our past, present and future. Most incredible has come to light once again.”

Hei tā te tumu whakarae o Te Rua Mahara o te Kawanatanga a Marilyn Little says, “I think it’s important because it contains the three important documents of our nation.”

Kei tēnei whakakitenga ko ngā whakaaetanga matua o Aotearoa. Arā, te whakaputanga o te Rangatiratanga o Nu Tireni, Te Tiriti o Waitanga me te petihana kia pōti ngā wāhine.

“All New Zealanders can make connections to those three documents, and that’s why I think this is important to NZ and New Zealanders,” hei tā Little.

Hei tā Dodd, “That was a time where out tupuna had dreams for us. I guess it’s a gentle reminder from our tupuna that there’s a lot more work to be done.”

E whakaarohia ana ko Ngāpuhi te kaitiaki o Te Tiriti o Waitanga, nā reira, he mea nui tēnei whakakitenga ki a rātou

Hei tā Winnie Leach he kaumātua no Ngāpuhi, “Kotahi ano ka kite i enei taonga, ka tuku nga roimata mo ratou i haina te tiriti, ka hoki nga mahara, tena ra ki tenei ra. Ko tera nga tino aroha mo nga taonga, e hari ana ki nga kaitiaki i konei, mo tatou katoa o te iwi o Nu Tireni.”

Kei Te Rua Maharatanga o te Kāwanatanga ngā taonga nei, kei Te Whanganui a Tara, i tētahi whakakitenga i tū i te tau tahi mano iwa rau waru tekau mā iwa. Kei te whare pukapuka a motu te whakakitenga hou, ka noho tonu ngā taonga i raro i te raupī o Te Rua Mahara o te Kāwanatanga. Tōna tikanga, tūwhera ai te whakakitenga hei te tīmatanga o tēra tau.