Top five Tūhoe swimming holes to scope out this summer

  • Waikato/Te Waiariki
  • Te Tai Hauāuru
  • Te Tai Rāwhiti

Ko te wā o te tau ka hoki katoa ngā whānau ki o rātou kōpuha i tātahi, o rātou kāinga rānei kia mahue mai ko te pōrangitanga o te taone ki te pāinaina i raro i ngā hīhī a Tamanui, ki te ruku wai hoki. Mēnā kei te whakarite koe mō tētahi haerenga i te takiwā o Te Urewera i ēnei rā whakangā, i roto i te whenua o Tūhoe, e ai ki ngā kainoho o reira, koinei ētahi wāhi pai mō te kaukau.

Kaare he mahi pai kē atu i te ruku wai i roto hoki i ngā wai Māori huri noa i te motu hai whakawātea i ngā pōraruraru o te wā. Atu i Te Urewera, he maha kē hoki ngā wāhi pahupahu a te iwi mō te purei i roto i te wai, i te tūranga tuarima...

ko te tāwhārua o Waimana. Tata tonu atu ki Tāneatua, e kore koe e mahue i tēnei wāhi, pai mō te pahū wai, mō te tere i te ia o te wai..

I te turanga tuawhā, ko Home Bay i Waikaremoana. Kei konei ngā wai tea tata ana ki te pāka hararei, ki reira he maha ngā mahi hai whakangahau i te tangata

Kei te tūranga tuatoru, ko te takiwā o Ruatoki me taua wāhi i te mutunga o te rori. Kotahi anahe te rori ka haere ki roto, ki waho mai i tēnei taone iti o Te Urewera, he pai hoki ngā wai o Ohinemataroa mō te hī tuna.

Ko te tuarua o ngā wāhi pai rawa kei tērā atu taha o te whenua o Tūhoe, ko Sharpie i Ruatāhuna. Koinei te wāhi e haere mai ai ngā kainoho. Engari ko te wāhi kei te taumata teitei mō te kaukau i te rohe pōtae o Tūhoe. ko te Orby, i Waimana.