Tokorua ngā tāngata kua pūhia ki Kawerau

  • Waikato/Te Waiariki

I mēia kia noho kuku i rō akonga, ngā ākonga me ngā kaiako o te Kura Kaupapa Māori o Te Whata Tau o Putauaki i te ahiahi nei, i te karapotitanga o tētahi whare i kō tata, e ngā pirihimana.

Ko te whakapae, he mea pupū mai ēnei āhuatanga i te pupuhitanga o tētahi tokorua i tētahi kāinga i Kawerau i te atatu nei.

Ā, ahakoa te mamao e rere ake ana i ētahi pahū, ko tā ngā pirihimana ki ngā tamariki, e kore koutou e pākinotia.Tokorua ngā tāngata kua pūhia ki Kawerau 

Ngāueue ana te hapori o Kawerau i ngā āhua i pā ki tō rātou taone i te rangi nei.

Ko te whakapae ko ātahi tāne tokorua te keo o te riri a ngā urutomo, toru tekau ma waru te pakeke o tetahi, a he whā tekau ngā tau a tetahi atu, a e noho taumaha ana rāua ki te hohipera o Waikato.

Na ngā awhina a te hunga kainoho i urutomo atu ai ngā pirihimana ki tētahi kainga i Valley Road pātata atu ki te papātanga, a nawai ra, ki tētahi whare i te tiriti o Galway, ki reira tirotiro mau rākau ai i te whare mō ētahi haora, ka kurua ki te pahū kauruki.

Kāore tonu ngā pirihimana i te mohio e hia ke nei ngā tāngata e whai paanga ana ki te puhipuhi nei, a kaore ano tetahi kia mauheretia.

Kaati ia nga pirhimana e rapu ana i nga kaimau pu, e hāneanea tonu ana te hikoi a te hunga kainga i nga tiriti.