Tokorua ngā tāngata kua hāmenetia mo te matenga o Stephen Dudley

  • Tāmaki Makaurau

Ka whakawāngia ngā taiohi e rua mō te matenga o Stephen Dudley, he tekau mā rima tau te pakeke, i patua i muri i tāna whakangungu whutupōro ā-kura i te uru o Tāmaki Makaurau.

Ko te whakapae, i haupatu te tokorua nei i a Stephen. Ahakoa te tere o tōna haringa ki te hohipera o Tāmaki Makaurau, i mate tonu ia.

I taua pō tonu, ka uhia te whakapae whakamate pokerehū ki ngā taitama, he tekau mā rima, he tekau mā whitu tau hoki te pakeke. Kua purutia ö rāua ingoa me tō rāua kura ingoa. I tā rāua tū ki te Kōti Teitei ki Tāmaki Makaurau i te rā nei, i kīa e rāua, he harakore.

Hei te marama o Hui-tanguru tīmata ai te whakawātanga.