Ngā kaupapa: Business, Te Arawa

Tētahi o ngā uru hua kiwi nui o Aotearoa kei raro i te Māori

Mere McLean
  • Waikato/Te Waiariki

Ko te tumanako a tētahi ohu māori kia tuku i te utu oranga ki a rātou kaimahi. Kātahi anō taua ohu ka hoko i tētahi uru huarākau huakiwi nui rawa ki Aotearoa. Ko rātou ngā kaiwhakahaere o ngā heketea huakiwi kotahi rau i Te Puke. E toru ngā uru hua rākau kua hokona e ngā iwi e toru ki Te Ika a Maui. Ki tā Jeff Rice mema o Te Ringa Pūtea o Te Arawa “ki te pai ngā whakahaere, ka whai tūnga mahi, hei awhina i o tātau iwi ki te taha tūnga mahi kia piki hoki te utu ia haora”.

Ko te matapae kia pakeke haere ai ngā huakiwi, ka puta ngā heri kotahi ira toru miriona te nui. Ki tā te heamana o te Te Ringa Pūtea o Te Arawa a Andrew West “kei te hiahia mātou ki a kite i ngā kaupapa mātauranga, whiwhi mahi mo a mātou uri, tūnga ki ngā whare huakiwi, ngā mahi whakakitenga ērā tūahuatanga katoa.

E toru ngā rōpū Māori kei roto, ko te ringa pūtea o Te Arawa, Te ringa pūtea o Ngāti Awa me te kaporeihana o Rotomā Nama Tahi. Ki tā West anō “I timata tēnei kaupapa i te Poutu te Rangi, koira te wā i te whakahoko ēnei māra”. E noho ana te mana whakahaere o ngā huakiwi i ngai tauiwi i roto i ngā tau tekau ma whitu ki muri, kua hoko atu aua huakiwi mo tētahi utu huna. Mo Nelson Miha o Rotomā Nama1 “Ko te mea nui ko te mahi tahi ki ngā rōpū e rua, o Ngāti Awa rāua ko Te Arawa Group Holdings ko tērā te mea nui, nā te mea ko tēnei hononga ka haere tātau ki runga i ētahi atu o ngā mahi kei mua I a tātau”. Kaare anō rātou kia tīni i te āhua o ngā huakiwi e toru. Heoi ka taea e rātou te whakawhānui i ngā mahi huanga na whai anō ka whai tūranga mahi a ngā rā ki tua.