Kaupapa: BUDGET

Tekau ma waru miriona te utu mo te whakahoutanga o te Tari Pirihimana i Rotorua

Mere McLean
  • Waikato/Te Waiariki

Nuku atu i te kotahi rau tangata i karapinepine mai ki te taki i ngā whakaritenga o tēnei whare hou.

He kaupapa hei whakanui i ngā mahi tuitui me ētahi mahi korowai na Lionel Grant o Te Arawa i hanga. 

Ko Te Amokura te ingoa o te whare hou nei, a,  he whare ma ngā pirihimana, rōpu hapori me ngā watene Māori. 

Tekau ma waru miriona taara te utu mō te whare nei, a, ko ngā wahanga whakamiharo o roto, ko tōna tinana he rauemi hei aukati i ngā whakawhiu o te ru whenua.

Engari ko te painga o te whare nei ki ngā pirihimana ka taea e rātou te mahi tahi me ngā ringarehe o te hapori. 

Ahakoa kihae ngā pirihimana i whai waahi ki te tahua putea a te kawanatanga i tēnei tau, he hua nui tonu ka taka ki te peka o Te Waiariki i tēnei whare whakaruruhau.