Te Whetu Maiangi - Matariki Awards

Tema Hemi
  • Te Tai Tokerau
  • Tāmaki Makaurau

I whakaaweawe e ēnei kaiwaiata i te ao pūoro me tā rātou pūoro e hono ai Te Reo Māori me te mētara. 

Ko tā Lewis Raharuhi deJong kaiwhakatangi rakuraku mo Alien Weaponry, "i whakaae mātou kia tapaina ko Alien Weaponry te īngoa nā te kiriata Distrct 9. I te wā i hūnuku mai au ki Te Taitokerau i tūtaki au ki ā Ethan ki te kura tākihi ko tōna painga ka tāea te whakatangi he rakuraku."

E mīharo ana ngā tama nei i kōwhiringia e rātou mo te kairangi tohu whiwhinga o Matariki. 

Ko tā deJong anō, "e tino pai, e mīharo katoa ana mātou i te mea hoki he ahuatanga nui whakaharahara me whakanuia mātou me ā mātou mahi."

I tīmata mai te rōpu nei i te tau rua mano tekau. Ko Shay Wright he kaikōwhiri anō o te wāhanga Whetu Maiangi ko tāna, "mā te manu matārae i akiaki i āia me te whakawhanake i ōna pukenga.  

Ko tā Wright, "nōreira ki ā koutou ngā pouako i whāngai i ahau ki roto i te hononga tuakana teina hoki mā tēra i whai kaha ahau, i whai pukenga au ki te whai huarahi hoki ki tāku i pai ai. Nōreira ki a koutou kei te hunga tautoko e whai whakāro nui ki te hunga rangatahi ka mihi."

Ā ka whakanuia hoki ia i ēra atu i kōwhiringia.

Ko tā Wright anō, "ka tiro atu au ki te hunga pēnei i ā Pania Newton, he kaikōwhiringa hoki, he tauira tonu nō to mātou hōtaka ā e whakātu ana te ihi o te hunga rangatahi i whai kaha nei i ngā pukenga nui, kia puta ki waho, ka whakamahia i aua pukenga, ka arahi haere i ngā kaupapa kia puta atu ki te ao hurihuri".

Ka tu te pō tohu whiwhinga o Matariki ā te Rāhoroi te teka mā wha o Hurae ka tīmata hei te haurua mai i te waru karaka ki Tāmaki Paenga Hira.