Kaupapa: Water

Te whakawātanga tuatahi mō te pāpuni wai ki Ruataniwha

Aroha Treacher
  • Te Tai Rāwhiti

Mā te karakia e kotahi ai a Ngāti Kahungunu i te timatanga o tēnei hui pakirehua, ki tana, kua mahue ake nga korero hitori, ngā whakapapa me ngā tikanga Māori i roto i tēnei take.

Hei tā te heamana o Ngāti Kahungunu, tā Ngahiwi Tomoana, “Kei hea ēnei momo kōrero i roto i kōrero i puta i ngā roia, mai ngā mātanga anō hoki, kei hea ngā kōrero o mātou nō te ao Māori, te tirohanga o te ao Māori, ka mahue te poari tēnei momo kōrero.”

Tata ki te whā rau ngā tono kua tukuna, huhua ana hoki ngā kaitaunaki ka tuku kōrero ki te poari i ngā marama e rua.

Heoi, e rua tekau ngā hapū e tautoko ana i a Kahungunu me ngā tono tekau ka tukuna e rātou.

He tohe nui te kounga o te wai, i ngā kōrero whakatūwhera a te kaunihera a rohe o te Matau a Maui.

Ātete ana rātou i ngā kōrero, mā tēnei kaupapa, ka poke katoa te awa o Tukituki anō nei he pininga hamuti, nā te rahi o te paitini.

“Kua kite mātou, te tāmio o te awa, i ngā mahi o te kaipāmu, ngā taone i runga i te awa nei, whakakino rawa atu te wai.”

Inā ka oti ngā whakawātanga, he iwa marama noa te wā, ka tukuna e te poari ta rātou pūrongo ki te kāwanatanga.

Ki te whakaaetia, ka whakatūria he pāpuni wai, e waru tekau mā toru mita te teitei ki te mātāpuna o te awa o Makaroro, he iwa tekau miriona rita o te wai ka noho ki roto.