Te Whakatōhea to honour Dr Walker through settlement

Heeni Brown
  • Tāmaki Makaurau

Kua puta te tūpapaku o Takuta Ranginui Walker ki te ao katoa. No te rā nei, tukuna e te whānau pani me Te Whakatōhea i te tūpapaku kia haere ki roto o Ngāti Whātua Ōrākei tiraha mai ai mo te toru rō. He tangata i pau te kaha ki te kōkiri i ngā kaupapa Māori.

He tumu teenei na Te Whakatōhea, kua takato ki te pae o Tumutumuwhenua.

Hei tā te kaikōrero no Te Whakatōhea a Te Kahautu Maxwell, "He pouri kahore ia i te hoki ki te wa kainga ki te whakatutuki i te korero a nga tipuna, ka tanumia ki te waahi i tapahi ai te pito. Heoi ano ko Te Ranginui teenei kahore e ohorere te tangata."

Mangu pai ana te marae o Ōrākei i te tangata e whakamanamana ana i a Tākuta Ranginui Walker whakatikitiki.

A, rawa atu i te pāpāhotanga o tēnei tangihanga ki te ao, ko tetahi o ngē tino take ka kawea e Te Whakatōhea i konei, ko ngā take raupatu, he kaupapa i kokiritia e Tākuta Walker i ngā tau iwa tekau.

"Yes it's time to settle, I mean we need to put that behind us and move forward," hei tā Tuariki Delamere no Te Whakatōhea.

"Ko te pouri hoki tena kaare ia ana kanohi i kitea te whakatutukitanga o te kereme ko taku tumanako i teera wa maana e kokiri, ko ia te upoko hei manutaki i a Te Whakatōhea, a, tau ra ano to matou kereme engari i whakapau ona kaha, a, i whakapau oona whakaaro ki runga i te kereme kua moe atu ia i oona tipuna ariki, a, ko ratou nga ariki i raupatutia ai te whenua," hei ta Maxwell.

E rua tekau tau i whakahē a Te Whakatōhea i tetahi kawenata-raupatu tuatahi me Te Karauna, a, iaianei e ai ki a Te Kahautu Maxwell o Te Whakatōhea ka anga atu ki te whakatutuki i ta ratou take raupatu hei tohu whakahōnore, tohu whakanui i a Tākuta Walker.