Te Whakatika i te pūnaha ture

updated Tema Hemi
  • Te Tai Tokerau
  • Tāmaki Makaurau

E rua ngā whare hou hei whakatika i te tangata hara kua puare ki Te Taitokerau me Tāmaki Makaurau. Ko te reo me ōna tikanga te aronga o aua whare. E noho ana ēnei whare i raro i te maru o te rōpū whakatika tangata hara o Tā Peter Williams i mate ia i te tau rua mano tekau ma rima.

Nā te hanepītanga ki te whakakore i te ture Three Strikes te take i whakapāhunu ai a Lady Heeni Phillips-Williams.

Ko tā Phillips-Williams kōrero, "mehemea ko tēra te whakatau kei te tino āwangawanga ahau hēoi e marama ana au ko te pirimia tuarua e tirohia ana ki tētahi pūhera nōreira he aha rā ngā whakamahuki mo tēnei pūhera ā mēnā ka hāngai te ture Three Strikes ki te pūhera nei."

He kaihāpai i whakapau kaha mo ngā mōtika o te hunga mauhere, nā rāua ko tōna hoa rangatira i whakatū ai te rōpu Sir Peter Williams QC Penal Reform League i te tau rua mano tekau mā rima.

Anei a Phillips-Williams mo ngā mahi a tōna hoa rangatira, "He nui ōna mahi rawe i puku mahi hoki ia mo te rōpu nei."

I tū te hui ā tau a te rōpu nei i ngā rangi okioki kua pāhure ā i matapakihia e rātou ngā take ture huhua, mai i te whakahaumanu tae atu rā ki te whakaheke i te tokomaha o ngā mauhere.

Ko tā rōia Echo Haronga, "He hōtaka mā te hunga i haminetia mo te tūkino whānau ko te nuinga he Māori ā i whai huarahi atu i te kōti mā rātou."

He ai ki ngā kōrero he nui ngā hua o te wawaotanga o te whānau. 

Ko tā Haronga anō, "I te wā au i te hōtaka i whakamanahia i nga whānau."

E noho tuarima ana a Aotearoa i ngā whenua OECD, ā, mai i ia kotahi rau mano tāngata, e rua rau rua tekau ka mauheretia.

I whakakōpani ai a Phillips-Williams me tēnei kōrero, "Kua pakaru te pūnaha ture, i roa te wā i noho pakaru ai."

Ko te tikanga ka tae atu a Kelvin Davis rāua ko Andrew Little ki te hui 'High Level Justice Summit' hei te Hereturikōka ki te matapaki i ngā take whānui mō te pūnaha ture.