Te whakatetae hākinakina ā Marae o Tūwharetoa

Wikitōria Day
  • Waikato/Te Waiariki

I pūhakehake kātoa te papa rēhia o Tūrangi i te tini tāngata i ngā rangi tata kua hori nei. I reira ngā reanga huhua e whakanui ana i tō rātou Tūwharetoatanga.

Neke atu i te toru mano ngā mangainga i whakarauika mai ki konei, hēoi, hei tā ētahi o ngā kaiwhakarite matua, ēhara i te mea he māmā noa te whakatū i tētahi taiopenga pēnei te nui.

Hei tapiri ki ngā mahi hākinakina kua whakarewahia tētahi kaupapa hou ki tēnei huihuinga ara i whakahāerehia e ngā marae o Ngāti Tuwharetoa he whakataetae waiata e kī ana ko Māori idol, he ahuatanga i puea ake mo te hunga kihai i te tino rata atu ki ngā mahi hākinakina.

He mea angitu taua kaupapa mo ngā manutioriori o te iwi. 

Kāre e kore a ngā tau kei te heke, nui ake ai te tokomaha o ngā uri ka tae mai ki tēnei karapinenga whakahirahira a Ngāti Tūwharetoa.