Ngā kaupapa: Treaty Settlements, Tūhoe

Te whakataunga mō Tūhoe

  • Waikato/Te Waiariki

Kikī ana a Mataatua ki Rotorua i ngā uri o Ngāi Tūhoe e whakarite ana mō tō rātou hui Ahurei, engari ko ngā kokoraho o te iwi tētahi kaupapa nui, whai muri i te kōkiritanga o ngā kereme i te Rāmere ka huri.

Ko tā, Whitiaua Ropitini, “kia tae ki te wahanga e ea ai ngā moemoeā o Tūhoe i roto i te hiahia kia pupuri i te mana motuhake o Tūhoe me te whakahaere i ōna tikanga.”

I tū tētahi hui whakamana ki te Whare Paremata i te Rāmere ka huri, kotahi rau, whitu tekau miriona tāra ka riro ki te iwi, a, ka whai rangatira rātou ki runga i ngā whakahaere o Te Urewera i te taha o te Karauna.

Ko tā Kiri Rua, “he moni kei runga i tēpu, tera pea ka kōtiti, ka āhua āwhiowhio te haere o taua kaupapa.”

Ko tā Pera Melbourne, “ko te whakaaro ke, kia mahi tahi ai a Tūhoe, kia hono i runga i te whakaaro kotahi, kia kore e noho wehewehe.”

Koinei tētahi o ngā kereme nui rawa ki roto i ngā hītori o Aotearoa, engari kāre anō kia whakaaetia e Tūhoe ki ngā whakaritenga.

He huarahi nui tonu kei mua i a Tūhoe kia tutuki tēnei kaupapa, engari kotahi tonu te whakaaro nui kei te pae mahara mō ēnei uri, ko tō rātou hui ahurei ka tū hei te wiki e haere ake nei.

Kairīpoata: Mere McLean.