Kaupapa: Kapa Haka

Te Whakataetae Kapa Haka ā rohe o Te Arawa - Te Rau Aroha

Te Kāea, Wikitōria Day
  • Waikato/Te Waiariki

I whakatū te rōpū Te Rau Aroha i te tau 2008.

Ka hoki mai anō rātau ki te whakataetae ā rohe o Te Arawa i tēnei tau, ā, ko tō rātau hiahia kia akiaki, kia whakatairanga hoki i ō rātau hononga ki a Tūhourangi, ōna uri e noho nei ki te kāinga me ērā kei tāwāhi e noho ana.

I raro i te taumarumaru o ō rātau kaitātaki a Ngaroma rāua ko Huru Maika, e hiahia ana rātau ki te whakamānawa i ngā kōeke me ngā kaumātua o Tūhourangi inā rā, mei kore ake ko rātau kua kore tēnei rōpū haka.

Ko te kaitātaki tāne o Te Rau Aroha, ko John Tapiata, ā, ko Rexina Morgan te kaitātaki wahine.

Anei a Te Rau Aroha me tā rātau waiata-ā-ringa.