Kaupapa: Kapa Haka

Te Whakataetae Kapa Haka ā-Rohe o Te Arawa - Te Pikikōtuku o Rongomai

Te Kāea, Wikitōria Day
  • Waikato/Te Waiariki

I rangatira katoa ngā mahi a tētahi kapa hōu, arā, ko Te Pikikōtuku o Rongomai i te rā nei i te Whakataetae Kapa Haka ā-Rohe o Te Arawa.

Ko tā rātou auahatanga tērā e kitea rawatia ana i runga anō i te tono kia tuanaki atu ai ki Te Matataini ka tū ki Ōtautahi a tērā tau.

I roto i ā rātou whakangūngūtanga mō tēnei whakataetae, kua kotahi atu ētahi kaihaka ki te āhuatanga o te hauora e whakapiki ake ai te ora kia rātou katoa mā roto mai i te WERO Challenge.

Korekore, mā roto hoki i te mahi tahi a te huru mā, me te huru pango ka whai hua ko te kapa katoa.

Anei anō hoki rā a Te Pikikōtuku o Rongomai me tā rātou mōteatea.