Kaupapa: Kapa Haka

Te Whakataetae Kapa Haka ā-Rohe o Te Arawa- Ngauru ki Uta Pakeke

Te Kāea
  • Waikato/Te Waiariki

He rōpū hōu rawa a Ngauru ki Uta Pakeke, me te aha, i whakatūhia rātau i runga i te hiahia nui kia tautoko i ngā whāinga ō tō rātau kapa whakataetae ara ko Ngauru ki Uta. Ko Ngauru ki Uta tētahi o ngā kapa whakamutunga ka tū.

I a Ngauru ki Uta e hāereere haere ana ki ngā marae huhua o Ngāti Tūwharetoa, i āmine mai ngā kaumātua kia whakamahia e rātau ngā waiata taketake ake o Tūwharetoa. Hei tā ngā kaumātua, he huarahi tēnei e ora tonu ai ēnei waiata aianei, ā, haere ake nei.

Ko te tautoko i Te Whare Ariki o Te Heuheu te tino matū o te rōpū nei, ā, hei tāpiri atu ki tēnā, ko tō rātau āwhero nui, kia whakatairanga i te ngā tikanga me ngā kawa o tō rātau iwi. 

He tōmina hoki tō rātau kia whakaora ake i te reo Māori, i te mita ake, i ngā whakataukī o Tūwharetoa, otirā kia whakapūmau i te here ki te waka o Te Arawa.

Anei te rōpū o Ngauru ki Uta Pakeke me tā rātau whakaeke.