Kaupapa: Kapa Haka

Te Whakataetae Kapa Haka ā rohe o Tainui - Te Iti Kahurangi

Te Kāea
  • Waikato/Te Waiariki

“Whāia te Iti Kahurangi!”

Whai muri i tā rātou putanga kaha i Te Matatini kua pahure, kua hoki mai a Te Iti Kahurangi ki te whakaatu atu ki te marea te take i puta toa rātou i te maha noa o ngā wāhanga o tēra atu Matatini.

I whakaritea tēnei kapa i te tau 2003, a koinei te wā tuaono kua tū rātou ki runga i te papa whakatū waewae o te whakataetae ā rohe o Tainui Waka.

Inā kua puta ano te auahatanga o ngā kaiārahi o tēnei kapa a Kingi Kiriona, rāua ko Tiare Teinakore te kaipupuri o te taitara toa o te motu mo te kaitātaki wahine i Te Matatini.

Ko tā te kaiako ko ta Kingi Kiriona, "kua pai te hāere o a mātou mahi whakariterite i tēnei tau, ahakoa i a tau ka puta he wero hōu kua rite katoa mātou."

“I te mohio kē mātou i muri i te whakataetae o Te Matatini i te aro mai te maha noa o ngā tāngata ki te āta wetewete i a mātou mahi, kei reira hoki te whakaaro a te marea me puta kaha to tatou kapa, ka tika." ko tā Kiriona ano , " Kei te noho tuturu tonu a Te Iti Kahurangi, kei te ū hoki rātou ki ngā tikanga me ngā whāinga o te rōpū i tōna whanautanga mai, kare mātou i te kotiti hāere i taua whāinga." 

Anei tā rātou whakaeke.