Kaupapa: Kapa Haka

Te Whakataetae Kapa Haka ā rohe o Tainui - Ngaa Pou o Roto

Te Kāea
  • Waikato/Te Waiariki

Ehara i te mahi māmā noaiho ngā mahi whakaritenga i tēnei tau ma Ngaa Pou o Roto, koinei te whakatau a tētahi o ngā mema matua o te kapa ki a, Ranea Takiari.

Ahakoa ngā wawata nui a Ngaa Pou o Roto mo Te Matatini 2013, kua puea ake ngā hua o te whakapeto ngoi me te whakapou kaha o tēnei rōpū.

Ko tā Ranea he rua tekau ma rima ōrau  tā rātou kapa he tauhou ki te tū ki runga i te atāmira hei māngfai mo te rohe. 

Hei whakamana i te oranga o  ngā mema katoa o te rōpū kua whakatūhia e rātou ētahi kaupapa whakamahana i te wairua, pērā i ngā mahi hī ika, me te ruku kaimoana i a rātou nohonga Marae.  

He kaupapa pai hoki aua whakahaerenga hei whakatau i te wairua i muri i ngā mahi uaua o te whakangungu. 

Ko tā Ranea ano, " kei reira te tino hiahia o tā mātou tira kia eke ki runga i te atāmira o Te Matatini, heoi me mohio pū rātou me whakapou kaha rātou katoa kia tae ki taua taumata." 

Anei tā rātou whakaeke.