Kaupapa: Kapa Haka

Te Whakataetae Kapa Haka ā-Rohe o Tainui - Kapa Kuru Pounamu

Te Kāea
  • Waikato/Te Waiariki

Ko te Kapa Kuru Pounamu te rōpū tuatahi ki te eke ki runga i te atamira i tēnei Whakataetae Kapa Haka ā-Rohe o Tainui.

Tīmata mai ai te rōpū nei i te Whiringa-a-nuku o tērā tau, me āna kaihaka nō ngā tōpito katoa o Aotearoa whānui; koinei hoki tō rātou kōkuhunga i tēnei whakataetae ā-rohe.

Ko Te Kōhinga Mārama Marae, kei te Whare Wānanga o Waikato i Kirikiriroa tō rātou marae.

Ko te whāinga paetae a te Kapa Kuru Pounamu, ko te akiaki i ngā tauira whare wānanga o Waikato rohe, anō nei ko ngā ākonga kura tuarua, ki te whakawhanake i a rātou pūkenga reo Māori, tikanga Māori, haka hoki, ā, ki te tautoko i ngā tauwhainga o te rohe.

Ko Stevie Awatere rāua ko Natalie Moetu ngā kaitātaki o te rōpū i tēnei tau.