Kaupapa: Kapa Haka

Te Whakataetae Kapa Haka ā-Rohe o Aotea - Te Taikura o Te Awa Tupua

Te Kāea
  • Te Tai Hauāuru
Te Taikura o Te Awa Tupua

Kāre rawa rātou i te waewae tapu ki te ātamira whakataetae ā-motu o Aotea nei, engari tonu rā, kua ono tekau te maha o te ope o Te Taikura o Te Awa Tupua e whakaeke nei i tēnei rā, ā, i whakangāhautia te tini me te mano i te whakataetae kapa haka ā-rohe o Aotea i tēnei tau.

Kua piki haere te maha o ā rātou mema kaihakahaka, ā, ka hui tahi rātou ia te Rātapu kia whakangūngūtia ā rātou waiata tuku iho i ngā mātua tūpuna.

Ko te nuinga o ā rātou waiata kua titoa e te toki tito waiata, arā, ko Morvin Simon, me tōna hoa rangatira, me Kura Simon.

E whakahīhī katoa ana ngā mema o te rōpū i ngā akoranga a Morvin rāua ko Kura me tō rāua ngākaunui ki tēnei kaupapa. E rangatira katoa ana tēnei kapa i a rāua.

Ia te Hune, ia te Hune, ka tū rātou ki Te Papa Tongarewa i Te Whanganui a Tara kia whakanui i ngā kapa haka kaumātua hōrapa noa te motu.

Ko ngā kaitātaki o te kapa nei, ko Kataraina Millin rāua ko Colling Puohotaua.