Kaupapa: Kapa Haka

Te Whakataetae Kapa Haka ā-Rohe o Aotea - Te Rōpū Taikura o Te Kāhui Herekawe

Te Kāea
  • Te Tai Hauāuru
Te Rōpū Taikura o Te Kāhui Herekawe

I puta tuatahi mai a Te Rōpū Taikura o Te Kāhui Herekawe i tēnei tau tonu i ngā ringa hāpai o ngā kaumātua o Te Waitara, o Ngāmotu, o Parihaka anō hoki. I tīmatahia i runga i te hiahia kia whakapiki ake te nui o ngā kapa e haere atu ana ki Te Matatini hei tērā tau.

Kua waru wiki noa iho ā rātou wāhanga whakangūngū, ā, ka tū mai rātou ki te tautoko i ā rātou tamariki mokopuna i roto i ngā kapa huri noa te maunga tītōhea, arā, ko Taranaki maunga. Ā, kia mōhio hoki ai ngā mokopuna kei reira rātou ki te taunaki i a rātou ahakoa te aha.

He tūnga maimai aroha tēnei e whakanuia nei i a rātou kua wehe ki a Hinenuitepō, arā, ko Kui Taina Tioko tērā, ko Juanita Bishop tērā, ko Te Rangitaake Ngaia hoki tērā.

Ko ō rātou kaiako, kaitātaki anō hoki i te rā nei ko Kurt Komene rāua ko Moana Williams.

I aro atu tā rātou mahi whakangāhau ki ngā tino waiata o Taranaki, ā, anei rā ko 'Putiputi Kanehana'.