Kaupapa: Kapa Haka

Te Whakataetae Kapa Haka ā-Rohe o Aotea - Putiki Wharanui

Te Kāea
  • Te Tai Hauāuru
Pūtiki Wharanui

He mea hanga e tōna hāpori ko te 'Pūtiki Māori Club' e hono tahi ai ngā mema rangatahi Māori o Pūtiki me ērā atu kainga o te awa o Whanganui ki te whakatairanga i te reo Māori me ōna tikanga.

I mōhiotia te kapa nei ko 'Whanganui Club', ā, i ārahina e Koro Alfred Phillips rātou ko Koro John Murray, ko Kuia Wini Murray.

I timata te kaupapa nei i te marama o Mei i 1952 i raro i ngā whakaaro nui a Rev Kingi M. Ihaka, te perehetini Uncle Tenga Takarangi, me te kuia o taua wā, Tatiana Tamehana.

E pūmau tonu ana rātou ki tō rātou ake pepeha, e kiia nei, 'Pūtikitia te Aroha', i ōna wā o te rongonui he kapa tino toki mō te haka, poi me ērā atu waiata o te wā.

I tēnei tau ko ngā kaitātaki o Pūtiki Wharanui ko Ned Tapa rāua ko Chrystal Hika.