Te whakapōtaetanga a Te Wānanga Takiura o Ngā Kura Kaupapa Māori

Heeni Brown
  • Te Tai Tokerau

He wā e āhei ngā whānau ki te whakanui i ngā uri kua roa e whakapakari ana kia eke ai rātou ki te taumata e kīa ai he kaiako.

Ko tā Waha Tauhara, “Na runga i te mea he wha tau kia tae atu ki te wa ka whiwhi ahau i tēnei tohu he mea nui tēnei ki au me te mea ano hoki kua whiwhi ano hoki ahau nga pukenga kia hoki ki te kainga kia whangai i ngā iwi o te kainga”

Koinei te pōtaetanga mo ngā tauira o Te Wananga Takiura o Ngā Kura Kaupapa Māori rua mano tekau mā toru.

Nā tokotoru ngā uri no te haukainga kōtahi, ko Waha Tauhara rātou ko Ruruhi Heihei, ko Christian Seumanu nō Peria i Te Hiku o Te Ika.

Mo te Minita Take Māori me rahi ngā kura pēnei nā.

Tākuta Pita Sharples - Ko tā te Minita Take Māori ko Pita Sharples, “Hoki atu ahau ki te wa i timata ai ēnei kura haere atu nga tamariki ki ngā kōhanga ngaro atu ki ngā kura pakeha mai i te kohanga ngaro te reo, katakata mai ngā pakeha ki a ratou e korero Māori ana na reira na matou i whakatu te kura kaupapa Māori na ka haere tonu tēnei whakaako pouako kia puta atu ratou ki ngā kura”

Rua tekau mā waru katoa ngā tauira kua eke ki te taumata kia uru rātou ki ngā kura whakāko tamariki.

Hei tēra tau puta mai anō he tētēkura pēnei te momo.