Kaupapa: Te Matatini

Te whakakotahitanga o te aō Māori mo Te Matatini

  • Waikato/Te Waiariki

Kua whakakotahi te iwi o Te Arawa ki te manāki i te motu. Ko te whakapae, he toru tekau mano neke atu te tokomaha o ngā manuhiri ka tae mai ki Rotorua hei ngā rā e whā e haere ake nei. I runga i te mōhio, he haka noa iho te kai a te tini, ka kore pea te tangata e whai wāhi nui ki ētahi mahi kē atu. Nā reira, ko wai mā te hāpai ō kei muri ?

Ao ake I tenei ata, kei muri te hunga kāinga e hāpai ana i nga ō e tika ai te kaupapa o Te Matatini.

Ko tā, Timi Te Po Hohepa, “tika tonu pau katoa te hau ki te whakarite i ngā kai hei whāngai atu ki te hunga nei mō Matatini. Koina te āhua a te Māori.  He manāki he awhi he whangai i nga iwi nei.”

Neke atu i te kotahi mano nga ringa tūao o Te Arawa whānui kua mahue ā rātou mahi tuturu i tēnei wiki hei hāpai ake i te kaupapa o Te Matatini.

Ko tā te Kaiwhakahaere o ngā mahi ko Tia Smith, ko te aronga nui ko te whakauru i te marea i ngā kēti, ko te whakauru i ngā waka katoa ki ngā wāhi tika, ko te whakatau i ngā haerenga kia kore ai he raru kā puta ake.”

E tekau ma waru marama te hunga kāinga e whakatikatika ana i ngā āhuatanga katoa hei hāutu i te ono tekau mano tāngata o te motu me tāwahi e matapaetia ana ka tae ā tinana mai ki Te Tihi ō Tonga hei te rōanga o tēnei hui.

Ko tā, Timi Te Po Hohepa, “Ko te puku mahi ko te ringa nanao atu i ngā kai whakarite i ngā kai hei orange mo te hunga e noho ana i runga i tō mātou Marae.  Tu ātu i tēra e hoa māmā noaiho.”

He kōrero a hāngai ana ki ngā whakāro a Tia Smith me te kī “ko te wawata nui ko te āta manaaki i te marea ka hau mai ki te whakanui i tēnei kaupapa whakahirahira o te aō Māori.”

Inā ko te aroha nui o ēnei tangata ki tenei kaupapa ko te tutuki pai i ngā mahi katoa o Te Matatini.