Kaupapa: Politics

Te wero tuatahi a Cunliffe ki a Key

  • Te Whanganui-ā-Tara

Kei te ana o ngā raiona rere atu ai ngā wero a David Cunliffe, i tana tūranga hōu hei kaiārahi o te Rōpū Reipa, ki te Pirimia ki a John Key i te rā nei.

Tūturu, kāore a Roma i tū i te rā kotahi, ā, ko taua kōrero anō mō te tūraki i te kāwanatanga o Nāhinara.

E tika ana ko Shane Jones ka whai wāhi nui ki te whawhai a te Rōpū Reipa, nō te rangi nei tohua ia ki te aroākapa.  Waihoki e aronuitia ana e te toenga o te Kāhui Māori te whakarārangitanga hōu kei te haere mō ngā mema

Hei tērā wiki ka mōhio ko wai ka noho ki whea i runga i te tereina hōu o Reipa, ahatia pēhea, e ai ki ngā mema Māori e kotahi ana te haere.